| << Newer | Older >> |
on 2008/10/9 6:16:55
చిరంజీవి క్రమంగా రాజకీయాలను ఒంట బట్టించు కుంటున్నారు. తన ప్రజా అంకిత యాత్రను తెలంగాణా నుంచి కాకుండా ఉత్తరాంద్ర నుంచి ప్రారంభించడం వెనుక ఆయన చాలా ఆలోచించారు. తెలంగాణా నుంచి ప్రారంభిస్తే తెలంగాణా అంశం పై పార్టీ వైఖరిని వెల్లడించాల్సి వస్తుంది. తెలంగాణా పై తమ పార్టీ వైఖరిని ప్రకటించకుండా ఆ ప్రాంతం లో పర్యటిస్తే ఆది ప్రతికూల ఫలితాలను ఇవ్వవచ్చునని ఆయన అభిప్రాయపడ్డారు. పైగా అధ్యయనం పేరుతో ఆయన తెలంగాణా ప్రాంతం లోని సిరిసిల్ల లో రెండు సార్లు, పోలేపల్లి లో ఒక సారి పర్యటించారు. ఆ పర్యటనల సందర్భంగా కాస్త అతిగా స్పందించినట్లు కోస్తాంధ్ర ప్రాంత నేతలు అసంతృప్తి వ్యక్తం చేసినట్లు తెలుసుకున్న చిరంజీవి వారిని బుజ్జ గించడానికి ఉత్తరంద్రా నుంచి పర్యటించాలని నిర్ణయించుకున్నారని తెలిసింది. తెలంగాణా ప్రాంతం లో పర్యటన చేపట్టెలోగా తెలంగాణా పై ఒక నిర్ణయం రావడానికి కాస్త వెసులు బాటు దొరుకుతుందని ఆయన బావించే ఉత్తరంద్రా ప్రాంతాన్ని ఎన్నుకున్నారని అంటున్నారు. ఇప్పటికే తెలంగాణా ప్రాంతం లోని వెనకబడిన ప్రాంతాల్లో యాత్ర చేపట్టిన చిరంజీవి తాను తెలంగాణకు అధిక ప్రాధాన్యత ఇస్తున్నట్లు కోస్తా ప్రాంత ప్రజలు అపోహ పడకూడదనే ఉత్తరంద్రా నుంచి శ్రీకారం చుట్ట డానికి కారణమని తెలిసింది. అన్ని వర్గాల ప్రజల ఆదరణ పొందాలని చిరు బావిస్తూన్నారు అందులో బాగంగానే ఆయన సిరిసిల్లలో చేనేత కార్మికుల ఆత్మహత్యలపై స్పందించి అక్కడికి వెళ్ళి బాధితుల కుటుంబాలను పరామర్శించారు. ప్రత్యేక ఆర్థిక మండళ్ల( ఎస్. ఈ. జెడ్) వల్ల రైతులు పడుతున్న ఇబ్బందుల గురించి కూడా ఆయన పోలి పల్లి కి వెళ్ళి అధ్యయనం చేసి వారి కి అండగా నిలవడానికి హామీ ఇచ్చి వచ్చారు. రంజాన్ పండుగ కు ముందు హైదరాబాద్ లో ఇఫ్తార్ విందు ఇచ్చి ముస్లిం సోదరులను ఆకట్టు కున్నారు. చిరంజీవి సోదరుడు , నటుడు పవన్ కల్యాణ్ కూడా రెండు రోజులు హైదరాబాద్ రంగా రెడ్డి జిల్లాల్లో 25 ప్రాంతాల్లో పర్యటించి పలు వర్గాల వారిని ఆకర్షించే పని లో పడ్డారు. గురువారం చిరంజీవి ఉత్తరంద్రా లోని శ్రీకాకుళం జిల్లా నుంచి తన ప్రజా అంకిత యాత్రకు శ్రీకారం చుట్టారు. వెనుక బడిన ప్రాంతమైన ఉత్తరంద్రా ను ఎంపిక చేసుకొని అక్కడి సమస్యలపై కూడా స్పందించడం ద్వారా అక్కడి వారిని బుజ్జగించడానికి చిరంజీవి ప్రయత్నిస్తున్నారని తెలిసింది.
The comments are owned by the poster. We aren't responsible for their content.
| Poster | Thread |
|---|
